التميز خلال 24 ساعة
العضو المميز الموضوع المميز المشرف المميز
قريبا خصائص المنهج السلفي
بقلم : ام أنس

الإهداءات


   
العودة   منتديات صدى البرقيق > •·.·°¯`·.·• ( المنتـدى الأدبــي و الثــقافي) •·.·°¯`·.·• > منتدى همس القوافي وعذب الكلام
 

إضافة رد
   
 
أدوات الموضوع انواع عرض الموضوع
 
   
قديم 07-16-2012, 02:43 AM رقم المشاركة : 1
معلومات العضو
مشرف منتدى همس القوافي وعذب الكلام

الصورة الرمزية محمد عبدالوهاب عبدالله
إحصائية العضو







محمد عبدالوهاب عبدالله is on a distinguished road

محمد عبدالوهاب عبدالله غير متواجد حالياً

 


المنتدى : منتدى همس القوافي وعذب الكلام
افتراضي ما سكلبت ... نضال حسن الحاج ...أبداع ...


ما سكلبت ركزت وكت دقّن حريم الحلة دلوكة النواح
ما شمتت فيك البتاوقولك كمان شمس الصباح كانت تزغرد كلما تلكد
مصارينه الجراح كانت ملخبطة بالوجع لا غنى خاطره لا استراح وأسع وكت كل الخلوق..
تفتح خشومه تقهي فيك رجياك تهز قلبك وكت اتنحنح الجزن الجواك يفتح عيونك ضفتين
شريان يضخ للنيل دموع ووريد يصد الوجعة ليك ما تشتغل بالهم وكت يضحك عليك..
ماتنشقل والله ساعة الحارة بتدرع قماش أحزاني.. كان ببتوكل وأجيك محل ما أشتهيك
يا فرحة مالك تندهيني غياب يا وجعة مالك ياخ تقول خلقونا من قدة تراب دمعاتي..
مالك تكلكلي في صغار هادي المرة شريان القلب حالف يضوقك العذاب للأفراح رويكيبة..
ونغم.. مالك..؟ محل ما نبني نلقاك زي رقراق شمس يدخل علينا من أي باب مالك..؟
سألتك بالذي لا ينوم ولا منك بهاب ***** وأنا يوم سكونك بندفق ريقين من الغنا والسرور نفسين من الضل..
ساعة الشمس البتقلي البن تلاقيك أو شعاعين في الضلمة القاسية وإحساسات ونور ا أو قول..
تصاوير من خيال وكت تزعل.. إني البنية الكنت يوم تزعل عشان عاشق غيور كانت تراضيك
إني غيرك يا ضرى الرجالة ساعة الحارة حرّم ما بدور يا زول زخم حنية، نوبة،
ودين وحولية وبدور يا زول وكت ينضم بصن كل الحضور يا زول وكت يفتح شراع الحن ..
بتتعلم صغار القسوة والقيف والطيور ***** يومداك تتذكر وكت كان قلت لي نمشي البحر
هميت عشان كانت مواعيد مرقة الحورية جنية المغارب كنت بتوقع حضوره..
عشان وكت جيتك تصن كل موجة في عمق المحيط كل اتساع للموجة برجاك زي زي
اشتها العطشانة لي موية المطر كان يوم حضورك.. دقة الظار لي شياطين عشقي كان لمة مسيد....
رنة وتر كان نوبة كان أي حاجة بتفصل الروح عن رعاية الخاطر المليان سكر كان.. كان. .
ولسع انت ركازة القصيد لسع تفاصيل اشتها الدم للوريد لسع بتلفظك الحروف شان القلم برجاك
مستف روحو ريد لسع صغار الحلة بستنوك عيد لسع شيوخ الخلوة مستنين رجوعك للمسيد لسع
حريم القهوة فاقدات جنزبيل النشوة.. والبن مر .. عشان كنت بتطعم أي فنجال قهوة بي إحساس جديد
الناس قاعدة تتوقع مروقك مني من رحم القصيد اتخيل الناس تتاوق ليك من باب الحزن..
ترجاك عيد وأنت بتونس في صدى الإحساس.. وفي فضلة بكاري القهوة.. مالك يا عشاي مالك وكت سميتك العكاز..
عشان تستر عماي مالك وكت مسكتك الضل.. لا رحمت ظروفي.. لا همالك حقاي مالك وكت سميتك القمر البقيف برجاهو...
ما ضويت سماي... مالك اتحديت حبال أوتاري ما سامع غناي .. أنا مالك.. إذن خليني ساي وأنا من زمان كان أقتنع..
إنك رفيق زولا سواي لكن محل ما أفوت بعيد.. بلقاك في كريات دماي بلقاك في شهقة نفس أعماقي في نومي وصحاي بلقاك في ضحكة صغار حلتنا..
من إحساسي جاي بلقاك في كفتيرة أمي الغالية شاي بلقاك محل ما أبتعد.. مشتول مع قلبي وجواي وألقاك إذا خارت قواي.. مصدر وهج روحي وقواي






التوقيع

نقرتين لعرض الصورة في صفحة مستقلة
أفضل وسيله للوفاء بالعهد هي أن لاتعد أصلا

مشاهدة أوسمتي

رد مع اقتباس
 
إضافة رد
   

مواقع النشر (المفضلة)
 

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Loading...

   
 

Powered by vBulletin Version 3.8.4
Copyright ©2000 - 2014, Jelsoft Enterprises Ltd
Translation by Support-ar
لا تتحمل إدارة منتديات صدى البرقيق أي مسئولية حول المواضيع المنشورة لأنها تعبر عن رأي كاتبها
vEhdaa 1.1 by NLP ©2009